អតីតសមាជិកក្រុមF(x)នាងSulli ត្រូវបានគេសង្ស័យថាប៉ុនប៉ងធ្វើអត្តឃាតដោយអារកដៃរបស់ខ្លួន ហើយក៏មានពាក្យចចាមអារ៉ាមថាមិត្តប្រុសនាងគឺជាដើមហេតុ។ បន្ទាប់ពីហេតុការណ៍ទាំងអស់នេះ Sulliបានសរសេរសារលើគណនី Instagram ប្រាប់ទៅកាន់អ្នកគាំទ្រខ្លួននៅថ្ងៃទី២៤ ខែវិច្ឆិកាម្សិលមិញនេះថា "ខ្ញុំមិនប្រយ័ត្នបានធ្វើឲ្យខ្លួនឯងរបួស T.T (មុខយំ)។ ខ្ញុំសុំទោសផងដែលធ្វើឲ្យអ្នកទាំងអស់គ្នាបារម្ភ"។
មានគេរាយការណ៍ពីមន្ទីរពេទ្យ Seoul National University ថា Sulli ត្រូវបានគេរកឃើញមានជាតិអាកុលក្នុងខ្លួន ហើយនៅពេលនាងមកដល់បន្ទប់សង្គ្រោះបន្ទាន់ Sulliស្ថិតនៅក្នុងស្ថានភាពស្រវឹងយ៉ាងជោកជាំ។ បុគ្គលិកមន្ទីរពេទ្យបានសាកសួរនាង តែ Sulli បានបដិសេធថានាងមិនបានប៉ុនប៉ងធ្វើអត្តឃាតនោះទេ។
Sulliបានត្រូវគេបញ្ជូនទៅបន្ទប់សង្គ្រោះបន្ទាន់ភ្លាមៗ ព្រោះនាងមានស្នាមអារកដៃប្រវែង៥សង់ទីម៉ែត្រ។ ផលិតកម្ម SM Entertainment អះអាងថារបួសរបស់ Sulliគឺគ្រាន់តែជារឿងឧបទ្ទវហេតុតែប៉ុណ្ណោះ រីឯភ្នាក់ងាររបស់ Choiza (មិត្តប្រុសSulli) សុំមិនបញ្ចេញមតិជុំវិញរឿងនេះ។ ទោះបីជាយ៉ាងណាក៏ដោយ ពាក្យចចាមអារ៉ាមនៅតែបន្តថា Sulli ប៉ុនប៉ងធ្វើអត្តឃាតក៏ព្រោះតែSulli និង Choizaដែលជាមិត្តប្រុសរបស់នាងបានចែកផ្លូវគ្នា ៕
ប្រភព៖ Sabay
No comments:
Post a Comment