ក្រុមយក្សអេស្ប៉ាញ FC Barcelona បានលត់ Sporting Gijon ៦-១ ក្នុងការប្រកួត La Liga នៅកីឡដ្ឋាន Camp Nou កាលពីយប់មិញ រីឯក្រុមគូប្រជែងធំរបស់គេ Real Madrid បានត្រឹមស្មើ Las Palmas ៣-៣ នៅកីឡដ្ឋាន Santiago Bernabeu។
៦គ្រាប់របស់ Barca រកបានដោយ Lionel Messi នាទី៩, Juan Rodriguez ធ្វើឲ្យចូលទីខ្លួនឯងនាទី១១, Luis Suarez នាទី២៧, Francisco Alcacer នាទី៤៩, Neymar នាទី៦៥ និង Ivan Rakitic ថែម១គ្រាប់ទៀតនៅចុងម៉ោងនាទី៨៧។ រីឯ Sporting រកបាន១គ្រាប់លួងចិត្ត នៅនាទី២១ ដោយកីឡាករ Carlos Castro។
ចំណែកឯក្រុម Real Madrid បាននាំមុខ Las Palmas ១-០ មុន បន្ទាប់ពី Isco រកបានគ្រាប់បើកឆាកនាទីទី៨ ប៉ុន្តែ២នាទីបន្ទាប់ Tana អាចរកគ្រាប់តាមស្មើវិញ។ ចូលតង់ទី២ Gareth Bale បានទទួលកាតក្រហម (លឿង២ដង) នាទី៤៧ ធ្វើឲ្យ Sporting មានឱកាសរកបាន២គ្រាប់ទៀត ដោយ Jonathan Viera បាល់ពិន័យ១១ម៉ែត្រនាទី៥៦ និង Kevin-Prince Boateng នាទី៥៩។ យ៉ាងណាក្តី Cristiano Ronaldo បានជួយ Real រួចផុតពីការបរាជ័យ បន្ទាប់ពីស៊ុតបាល់ពិន័យ១១ម៉ែត្រនាទី៨៦ និងរកបានគ្រាប់ទី៣ តាមស្មើ ៣-៣ នៅចុងម៉ោងនាទី៨៩។
លទ្ធផលនេះ មានន័យថា ក្រុមការពារតំណែងជើងឯក FC Barcelona បានឡើងទៅឈរកំពូលតារាង La Liga វិញ ដោយមាន៥៧ ខណៈដែល Real Madrid ធ្លាក់មកឈរលេខ២ ចាញ់ក្រុមអ្នកមានបុណ្យ១ពិន្ទុ ប៉ុន្តែសល់១ប្រកួតក្នុងដៃទៀត៕
ប្រភព៖ Sabay
No comments:
Post a Comment