មនុស្សដែលតែងតែជួបរឿងខូចចិត្ត ត្រូវបានគេក្បត់ កុហកបោកប្រាស់ មើលងាយ ឬរិះគន់ចំពោះក្ដីស្រឡាញ់ច្រើនដង អាចនឹងក្លាយជាមនុស្សទន់ខ្សោយ បាក់ស្បាត និងចាប់ផ្តើមកើតអារម្មណ៍ខ្លាចរអា ឬរាងចាល។ ប្រសិនបើអ្នកក៏ជាមនុស្សម្នាក់ក្នុងចំណោមនោះ ហើយនឹងចង់ផ្លាស់ប្ដូរផ្លូវជីវិត ដោយការសាងជំនឿចិត្ត និងតម្លៃឲ្យខ្លួនឯងជាថ្មី ខាងក្រោមនេះជាវិធីសាស្ត្រទាំង៣ដែលអ្នកគួរចាប់ផ្ដើមអនុវត្ត៖
រូបតំណាង
១. ទទួលស្គាល់ការពិត
អ្នកត្រូវទទួលស្គាល់ថា មូលហេតុដែលអ្នកដទៃហ៊ានរិះគន់អ្នក ក៏ព្រោះតែអ្នកខ្លួនឯងបណ្តោយខ្លួនឲ្យគេមើលស្រាល គ្មានភាពក្លាហានគ្រប់គ្រាន់ក្នុងការការពារខ្លួនឯងប្រឆាំងតបវិញ។ បើអ្នកខ្លួនឯង មិនផ្ដល់តម្លៃ ការគោរពចំពោះខ្លួនឯងផង ធ្វើម្ដេចទៅទាមទារពីអ្នកដទៃកើត?
២. ស្រឡាញ់ខ្លួនឯង
កុំព្យាយាមស្រឡាញ់អ្នកដទៃច្រើនជាង ខ្លួនឯង ទោះពួកគេសំខាន់ចំពោះជីវិតអ្នកប៉ុណ្ណាក៏ដោយ។ ការលះបង់ ឬងប់ងុលស្រឡាញ់គេជ្រុល គឺជាទង្វើឆោតល្ងង់ដែលអាចបំផ្លាញខ្លួនឯងនៅពេលក្រោយ ដូច្នេះរៀនស្រឡាញ់ខ្លួនឯងឲ្យខ្លាំងជាងអ្នកណាៗទាំងអស់។
៣. កុំយកអារម្មណ៍ជាធំ
កើតជាមនុស្ស ជឿថាអ្នកប្រាកដជាមានមនោសញ្ចេតនាច្រើន ប៉ុន្តែកុំទោរទន់ខ្លាំង រហូតឲ្យវាមកបាំងមុខជិត។ ពេលសម្រេចចិត្តលើរឿងអ្វីមួយ ត្រូវរៀនផ្អែកលើហេតុផល ប្រើខួក្បាលឲ្យច្រើន ជាងបេះដូង និងអារម្មណ៍ ៕
No comments:
Post a Comment