Man United ហាល​អាវ​ក្រោមថ្វី​​ដៃ​ក្រុម​លីគ​លំដាប់​ទី​ពីរ​

Manchester United បាន​ខ្ទាត​ចេញ​ពី​កម្មវិធី League Cup ហើយ​ក្រោយ​ចាញ់​ Bristol City មក​ពី​ក្របខ័ណ្ឌ​ Championship ក្នុង​លទ្ធផល​ ២​ទល់​នឹង​១​។

ការ​ប្រកួត​នៅ​ទឹកដី​ Ashton Gate យប់​មិញ​ United មាន​ឱកាស​ច្បាស់​ៗ​ជា​ច្រើន​តែ​មិន​អាច​ទម្លាយ​សំណាញ់​ទី​ម្ចាស់​ផ្ទះ​​ រហូត​ដល់​នាទី​៥១ Joe Bryan បាន​ស៊ុត​មួយ​ជើង​ចូល​មុំ​យ៉ាង​ល្អ​ ធ្វើ​ឲ្យ​ Sergio Romero មិន​អាច​សង្គ្រោះ​បាន។​

យ៉ាង​ណា​រំលង​បាន​៧​នាទី​ខ្សែ​ប្រយុទ្ធ​ជើង​ចាស់​ Zlatan Ibrahimovic បាន​ទាត់​ Free Kick បញ្ចូល​ទី​សង​បាន​វិញ​ក្ដៅ​ៗ​នៅ​នាទី​ ៥៨។ លុះ​ជិត​ចប់​វគ្គ​ទី​ពីរ​ទៅ​ហើយ​ខ្សែ​បម្រើ​ Korey Smith បាន​ទាត់​ឲ្យ​ Bristol បាន​មួយ​គ្រាប់​ទៀត​ដើម្បី​ទម្លាក់​ជើង​ឯក​ចាស់​ Man Utd ត្រឹម​វគ្គ​នេះ។

មួយ​គូ​ទៀត​ Chelsea បាន​យក​ឈ្នះ AFC Bournemouth ក្នុង​លទ្ធផល​២-១ មាន​ន័យ​ថា​វគ្គ​៤​ក្រុម​ចុងក្រោយ​មាន​ Chelsea, Manchester City, Arsenal និង​ Bristol៕