មនុស្សស្រីគ្រប់រូបត្រូវការសម្រស់មុខជាចំបង ដូចនេះហើយទើបស្ត្រីៗគ្រប់រូវត្រូវការពារស្បែកមុខអោយបានជាប្រចាំ។ បើមិនទាន់ដឹងច្បាស់កុំចេះតែប្រើរបស់ផ្ដេសផ្ដាស ព្រោះបើអ្នកប្រើផលិតផលខុសវានឹងធ្វើឲ្យស្បែកមុខអ្នកខូចខាតបាន ។ ទាំងនេះជារបស់ដែលអ្នកមិនគួរយកមកប្រើប្រាស់លើស្បែកមុខនោះឡើយ ៖
1. អាល់កុល
ជាតិអាល់កុលគឺសម្រាប់ប្រឆាំងនឹងបាក់តេរី ហើយវាសារជាតិដែលធ្វើឲ្យស្បែកស្ងួត ដូច្នេះបើអ្នកយកវាមកដាក់ ឬ ត្រដុសលើមុខវានឹងធ្វើឲ្យស្បែកមុខអ្នកស្ងួត គ្មានសំណើម និងធ្វើឲ្យកោសិកាស្បែកងាប់។
2. ក្រូចឆ្មា
វាមាន pH រហូតទៅដល់ ២ ដែលមានន័យថាវាជាអាស៊ីតខ្ពស់ ដូច្នេះបើអ្នកយកវាមកត្រដុស ឬ ជូត មុខ គឺអាចឲ្យមុខអ្នករលាក ស្ងួត ធ្វើឲ្យមុខអ្នកខូចខាតដោយសារតែវាទៅបំផ្លាញកោសិកាដែលការពារស្បែក។
3. ទឹកក្ដៅឧណ្ហៗ
ការប្រើទឹកក្ដៅឧណ្ហៗទៅលើស្បែកមុខគឺធ្វើឲ្យបំផ្លាញសំណើមធម្មជាតិដែលមានក្នុងស្បែកមុខអ្នក។ ម្យ៉ាងទៀតវាធ្វើឲ្យស្បែកស្ងួត និង ប្រេះ បែបនេះហើយទើបអ្នកគួរតែចៀសវាងប្រើទឹកក្ដៅឧណ្ហាលុបលាងមុខ ឬ ត្រដុសនឹងមុខ។
4. ស្ករស
ការប្រើស្ករសត្រដុសនឹងមុខគឺមិនល្អនោះឡើយ ព្រោះស្បែកមុខគឺស្ដើងជាងស្បែកដងខ្លួនដែលអាចឲ្យស្បែកមុខខូច ហើយកាន់តែចាស់ ដូច្នេះបើអ្នកចង់ខាត់មុខនោះអ្នកគួរតែប្រើអំបិលជំនួសវិញទើបជាការប្រសើរ។
អ្នកមិនគួរធ្វេសប្រហែសចំពោះស្បែកមុខនោះទេ មុនន្រើអ្វីមួយត្រូវប្រាកដថាគ្មានផលប៉ះពាល់អីសិន ព្រោះបើមិនអីចឹងទេនឹងអាចស្ដាយក្រោយបាន៕
No comments:
Post a Comment