Deappo DE101 បានទាក់ទាញមហាជន បន្ទាប់ទូរសព្ទដែលមានការរចនារូបរាងតូចច្រឡឹង ត្រូវបានដាក់លក់តម្លៃដាច់ចង្កេះប្រមាណ ៥ ដុល្លារ។
ទូរសព្ទប្រើប៊ូតុងចុចនេះ ស្រដៀងទៅទូរសព្ទចុចពិលដែរ រាងជ្រុងទ្រវែងសងខាង មានប៊ូតុងមេនៅកណ្ដាល។
រូបរាងខាងក្រៅស្រោបទៅដោយជ័ររឹង មានសន្ទះអាចបិទបើកសម្រាប់ដាក់ស៊ីម Memory Card និងថ្មអាចដកដាក់យ៉ាងងាយស្រួល។
តាមប្រភពហាងនាំចូលឲ្យដឹងថា ទូរសព្ទនេះមានប្រភពមកពីប្រទេសចិន។ លក្ខណៈពិសេសមួយចំនួនដូចជា មានអេក្រង់ ១.៨ អ៊ីញ ប្រភេទ LCD ប្រើស៊ីមបានចំនួន ២ ប្រើប្រាស់ Memory Card ចាក់បទចម្រៀងជា Video និង Mp3 បង្ហាញរូបភាព Color មានកាមេរ៉ាថតរូប ប្រើប្រាស់វិទ្យុ និង Bluetooth បាន កម្លាំងថ្ម ១០៥០mAh មានជាអក្សរខ្មែរមកស្រាប់ មាន ៣ពណ៌ ពណ៌ស ពណ៌ខៀវ និងពណ៌ខ្មៅ មកជាមួយក្នុងប្រអប់មានទូរសព្ទ ឆ្នាំងសាក និងកាសស្ដាប់មួយ។
No comments:
Post a Comment