បញ្ហាស្រ្តេស គឺជារឿងមួយដ៏លំបាកសម្រាប់មនុស្សដែលខិតខំធ្វើការ រកស៊ី។ ពេលខ្លះវាធ្វើឲ្យអ្នកមានសភាពយ៉ាប់យ៉ឺនផ្លូវចិត្តខ្លាំងមែនទែន។ ដូចនេះបើសង្កេតឃើញថាមានសញ្ញា ៦ យ៉ាងនេះ គួរតែរកពេលសម្រាកលំហែខ្លះទៅ ព្រោះអ្នកស្រ្តេសដល់កម្រិតកំពូលហើយ៖
១.អស់កម្លាំង
បើសង្កេតឃើញថាខ្លួនអ្នកតែងមានអារម្មណ៍ដូចអស់កម្លាំង ឬតប់ប្រមល់ នោះជាសញ្ញាមួយក្នុងចំណោមជាច្រើន។
រូបតំណាង
២.អ្នកតែងតែឈឺក្បាល
តើអ្នកតែងតែលាបថ្នាំបំបាត់ការឈឺក្បាល នៅពេលអ្នកស្ថិតក្នុងការិយាល័យឬ? មិនត្រឹមតែក្បាលប៉ុណ្ណោះទេ ពេលខ្លះពេញរាងកាយគឺមានសភាពទ្រុឌទ្រោមទៀតផង សញ្ញាបែបនេះថ្នាំអ្វីក៏មិនអាចជួយបានដែរ មានតែការសម្រាកឲ្យបានគ្រប់គ្រាន់ប៉ុណ្ណោះ។
៣.មិនអាចគេងលក់
ភាពតានតឹងអារម្មណ៍ ថប់បារម្ភ និងធ្លាក់ទឹកចិត្ត គឺជាមូលហេតុធ្វើឲ្យអ្នកគេងមិនលក់។ ប្រសិនបើគំនិតរបស់អ្នកហាក់ដូចមិនស្ងប់ ទោះបីជាធ្វើយ៉ាងណាក៏គេងមិនលក់ដែរ។ កង្វះការគេងគ្រប់គ្រាន់ធ្វើឲ្យអ្នកកាន់តែឆាប់ខឹង និងមានអារម្មណ៍ស្រងូតស្រងាត់ពេញមួយថ្ងៃ។
៤.យំ
ជាថ្ងៃដ៏ល្អ ប៉ុន្តែអ្នកបែរជាសោកសៅបណ្ដាលមកពីការមិនសប្បាយចិត្ត រហូតធ្វើឲ្យអ្នកយំទៅវិញ។ កំហឹង ឬភាពអវិជ្ជមានដោយសារតែការបរាជ័យថ្មីៗ អាចបង្កជាវិបត្តិផ្លូវចិត្ត។
៥.អ្នកតែងតែនឿយហត់
មិនថាពេលយប់អ្នកគេងលក់បានប៉ុន្មានម៉ោងទេ តែបែរជាមានអារម្មណ៍ថាអ្នកធេងធោងទៅវិញ។
រូបតំណាង
៦.ធ្លាក់ខ្លួនឈឺញឹកញាប់
ការសិក្សាជាច្រើនបានបង្ហាញថា ភាពតានតឹងនឹងធ្វើឲ្យអ្នកមានអាការៈល្ហិតល្ហៃ ហើយបំផ្លាញប្រព័ន្ធភាពស៊ាំរហូតកើតជំងឺផ្ដាសាយជាញឹកញាប់៕
No comments:
Post a Comment