ក្រុមហ៊ុនទូរសព្ទមួយរងពិន័យរាប់លានដុល្លារ ក្រោយប្រទះបន្លំកាត់លុយអតិថិជន

T-Mobile​ ​ដែល​ជា​ក្រុមហ៊ុន​គមនាគមន៍​ដ៏​ធំ​មួយ​នៅ​សហរដ្ឋអាមេរិក​ត្រូវ​រង​ពិន័យ​ជា​ប្រាក់​រាប់​លាន​ដុល្លារ ​ក្រោយ​និយ័តករ​សហព័ន្ធ​អាមេរិក​រក​ឃើញ​​បាន​កាត់​លុយ​ពី​គណនី​អតិថិជន​ដែល​ប្រើ​គម្រោង​អ៊ីនធឺណិត​ឥត​កំណត់។

និយ័តករ​សហព័ន្ធ​អាមេរិក​បង្ហាញ​ថា​ ក្រុមហ៊ុន​នេះ​បាន​លក់​សេវាកម្ម​អ៊ីនធឺណិត​ឥត​កំណត់​ទៅ​អតិថិជន​ក្នុង​តម្លៃ​សមរម្យ។​ ​តែ​អ្វី​ដែល​អតិថិជន​ទទួល​បាន​គឺ​ការ​ប្រើ​អ៊ីនធឺណិត​ក្នុង​ដែន​កំណត់​ ​ហើយ​ក៏​ឆាប់​អស់​កម្រិត​កំណត់​ ​និង​កាត់​លុយ​យ៉ាង​រហ័ស​ជា​មួយ​ផ្ទាំង​ពាណិជ្ជកម្ម​នានា។

ទាក់ទង​នឹង​ការ​ចោទប្រកាន់​នេះ​ ​T-Mobile​ ​ក៏​ព្រម​បង់​ថ្លៃ​ពិន័យ​ទៅ​រដ្ឋាភិបាល​ប្រមាណ​ ​៧,៥​ ​លាន​ដុល្លារ​ ​និង​ ​៣៥,៥​ ​លាន​ដុល្លារ​ ​ទៅ​លើ​ការ​បញ្ចុះ​តម្លៃ​ថ្លៃ​សេវា​ទូរសព្ទ​ដល់​អតិថិជន៕

ប្រភពពីៈ Sabay