Patrice Evra អតីតខ្សែការពារក្រុម Manchester United បានបង្ហោះរូបភាព
និងសរសេរសារសរសើរ Luis Suarez បន្ទាប់ពីខ្សែប្រយុទ្ធក្រុម FC Barcelona រូបនេះ
បានឈ្នះរង្វាន់ស្បែកជើងមាស ប្រចាំរដូវកាល២០១៥-២០១៦ យប់មិញ។
Suarez ទទួលស្បែកជើងមាសយប់មិញ
ជាមួយកូនស្រី Delfina និងកូនប្រុស Benjamin
Suarez ស៊ុតបាន៤០គ្រាប់នៅ La Liga រដូវកាលមុន និងជា Top Scorer ហើយអតីតខ្សែប្រយុទ្ធក្រុម Liverpool រូបនេះ
បានក្លាយជាកីឡាករដំបូងគេ ដែលឈ្នះរង្វាន់ស្បែកជើងមាសនេះ
ដោយប្រជែងឈ្នះ Cristiano Ronaldo ឬ Lionel Messi បើគិតតាំងពីឆ្នាំ២០០៩។
ក្រោយឃើញ Suarez
ទទួលបានស្បែកជើងមាស Evra បានបង្ហោះរូបភាពខ្សែប្រយុទ្ធជម្រើសជាតិអ៊ុយរុយហ្គាយលើ
Instagram និងសរសេរថា៖ “ក្នុង Instagram របស់ខ្ញុំ មានតែការស្រលាញ់ គ្មានការស្អប់ទេ!!! Luis, អ្នកគឺជាកីឡាករដ៏អស្ចារ្យ
និងកីឡាករលេខ៩ល្អបំផុត។ សូមអបអរ Luis @luissuarez9។ ខ្ញុំពេញចិត្តល្បែងមួយនេះ!!! hahahaah”។
Evra និង Suarez ធ្លាប់មានរឿងប៉ះទង្គិចគ្នាជាច្រើនលើកច្រើនសារ
កាលអ្នកទាំងពីរលេងឲ្យក្រុមគូប្រជែង Manchester United និង Liverpool។ ខ្សែការពារជម្រើសជាតិបារាំង
បានចោទ Suarez ថា បានប្រើប្រាស់ភាសាប្រកាន់ពូជសាសន៍ទៅលើខ្លួន
ក្នុងប្រកួតបិសាចក្រហមប៉ះហង្សក្រហម កាលឆ្នាំ២០១១ ដែលធ្វើឲ្យ Suarez ត្រូវ FA ពិន័យ៨ប្រកួត
និងពិន័យជាប្រាក់ច្រើនទៀត។ ក្រោយមក Suarez ក៏ត្រូវរងការចោទប្រកាន់១លើកទៀត
ថាបដិសេធមិនព្រមចាប់ដៃជាមួយ Evra កាលពួកគេប៉ះគ្នាឆ្នាំ២០១២៕
ប្រភព៖ Sabay
No comments:
Post a Comment