នៅថ្ងៃទី១៤ ខែវិច្ឆិកា ឆ្នាំ២០១៦ ខាងមុខនេះ ព្រះចន្ទនឹងស្ថិតនៅជិតផែនដីបំផុត បើគិតចាប់តាំងពីឆ្នាំ១៩៤៨ មក។ នៅក្នុងអំឡុងពេលនោះ ព្រះច័ន្ទនឹងមានទំហំធំជាងមុន ១៤ភាគរយ ហើយភ្លឺជាងមុន ៣០ភាគរយ បើប្រៀបធៀបទៅនឹងព្រះចន្ទពេញវង់ធម្មតា។
ជាក់ស្ដែង ព្រះចន្ទពេញវង់ នៅថ្ងៃទី១៤ ខាងមុននេះ គឺជាព្រះចន្ទពេញវង់ លើកទី៣ នៅក្នុងឆ្នាំ២០១៦ ដែលគួរឲ្យចាប់អារម្មណ៍បំផុត ហើយវានឹងពេញវង់ រយៈពេល ២ម៉ោង នៃសមីសង្គត។
គួរបញ្ជាក់ថា ព្រះចន្ទនឹងឈានដល់ចំណុចកំពូល នៃដំណាក់កាលពេញវង់របស់វា នៅវេលាម៉ោង ១៣៖៥២ UTC ឬត្រូវនឹងម៉ោង ០៨៖៥២នាទីយប់ ម៉ោងនៅកម្ពុជា ថ្ងៃទី១៤ ខែវិច្ឆិកា ឆ្នាំ២០១៦។ តាមប្រតទិនចន្ទគតិ ថ្ងៃនោះដែរត្រូវនឹងថ្ងៃ ១៥កើត ខែកត្តិក គឺត្រូវនឹងថ្ងៃបុណ្យអុំទូកថ្ងៃទី២ (ថ្ងៃសំពះព្រះខែ) តែម្ដង។
ប្រសិនបើអ្នកខកខានមិនបានមើលវានៅថ្ងៃនោះ អ្នកត្រូវរង់ចាំរហូតដល់ ថ្ងៃទី២៤ ខែវិច្ឆិកា ឆ្នាំ២០៣៤ ទើបព្រះច័ន្ទរំកិលមកជិតផែនដីបំផុត ម្ដងទៀត៕
ប្រភព៖ Sabay
No comments:
Post a Comment