បេក្ខភាពប្រធានាធិបតីជាប់ឆ្នោត លោក ដូណាល់ ត្រាំ នឹងចំណាយពេល នៅក្នុងពិធីបុណ្យថ្លែងអំណរគុណព្រះ (Thanksgiving Day) នៅក្នុងថ្ងៃព្រហស្បតិ៍ ទី២៤ ខែវិច្ឆិកា ឆ្នាំ២០១៦ នេះ នៅក្នុងភូមិគ្រឹះស្រោបដោយមាស ដ៏ធំស្កឹមស្កៃមួយ ដែលស្ថិតក្នុងក្រុង Palm Beach រដ្ឋ Florida សហរដ្ឋអាមេរិក ជាមួយនឹងភរិយា គឺលោកស្រី Melania និងកូនប្រុសអាយុ១០ឆ្នាំ Barron។
សំណង់អចលនទ្រព្យ ដែលយកគំរូតាមវិមានអឺរ៉ុប និងមានឈ្មោះថា Mar-a-Lago របស់លោក ត្រាំ មានរួមបញ្ចូលទាំង បន្ទប់គេងចំនួន ៥៨បន្ទប់, ក្លឹបឆ្នេរមួយ, សាលធំសម្រាប់ពិធីជប់លៀងផ្សេងៗ, កន្លែងស្ប៉ា, កន្លែងវាយកូនបាល់ Tennis និង កន្លែងវាយកូនបាល់ Croquet។
គួរបញ្ជាក់ថា លោក ត្រាំ បានទិញភូមិគ្រឹះនោះ នៅក្នុងឆ្នាំ១៩៩៣ ក្នុងតម្លៃយ៉ាងសន្ធឹកសន្ធាប់ គឺ១០លានដុល្លារ។ បន្ទាប់មក លោកបានកែលម្អវា ដើម្បីឆ្លុះបញ្ចាំងពីចំណង់ចំណូលចិត្តរបស់ខ្លួន ជាមួយនឹង គ្រឿងសង្ហារិមថ្លៃៗ ដែលមកពីទូទាំងពិភពលោក។
បន្ទប់គេងមួយមានគ្រែសសរ៤ រួមទាំង កៅអី និងតុ ដែលរំលេចដោយមាស ចែងចាំងពេញបន្ទប់។ ចំណែកឯបន្ទប់ទទួលភ្ញៀវ បានបង្កប់ដោយគ្រឿងសង្ហារិមមាស ជាមួយនឹង ពន្លឺភ្លើងព្រាកៗ និង ពិដានដ៏ស្រស់ឆើតឆាយ៕
No comments:
Post a Comment