អ្នកនាង យ៉ាន លីដា កញ្ញា សាសា កញ្ញា អាលីយ៉ា និង កញ្ញា ពេជ្រ អាវីហ្សា សុទ្ធតែធ្លាប់ទទួលរងអំពើហិង្សា គ្រាន់តែហិង្សានោះស្ថិតក្នុងរូបភាពផ្សេងគ្នាប៉ុណ្ណោះ។
១/អ្នកនាង យ៉ាន លីដា
អ្នកនាង យ៉ាន លីដា អតីត តារាចម្រៀង និងបង្ហាញម៉ូដ ធ្លាប់ទទួលរងនៅ អំពើហិង្សា ពីស្វាមីរបស់ខ្លួន គឺលោក យ៉ែម សំអូន ក្នុងអំឡុងឆ្នាំដើមឆ្នាំ២០១៥។ មូលហេតុត្រូវបានខាងសារព័ត៌មានជាច្រើនចេញផ្សាយថា មកពី លោក យ៉ែម សំអូន មានស្នេហ៍ភេទដូចគ្នា រហូតដល់ថ្នាក់ប្រើហិង្សាលើប្រពន្ធ ។ បន្ទាប់ពីទទួលរងអំពើហិង្សានោះភ្លាម អ្នកនាង យ៉ាន លីដា បានចែកផ្លូវគ្នាភ្លាម ហើយរស់នៅប្រទេសអូស្ត្រាលីជាមួយកូនស្រី រហូតមកដល់បច្ចុប្បន្ន ចំណែក លោក យ៉ែម សំអូន នៅបន្តការងារសិល្បៈក្នុងប្រទេសកម្ពុជាដដែល។
២/ កញ្ញា សាសា
កញ្ញា សាសា ត្រូវបានបុរសម្នាក់ដែលមានងារជាឧកញ៉ា ប្រើហិង្សាវាយធ្វើបាបយ៉ាងចាស់ដៃ ក្នុងកំឡុងខែ កក្កដា ឆ្នាំ ២០១៥ នៅហាងមួយក្នុងរាជធានីភ្នំពេញ។ ករណីនេះបានឈានដល់ការប្ដឹងផ្ដល់គ្នាដល់តុលាការ ហើយចុងក្រោយលោក ឧកញ៉ា ម្នាក់នោះបានចេញមុខសុំទោសជាសាធារណៈ និង ទទួលខុសត្រូវតាមផ្លូវច្បាប់។
៣/ កញ្ញា អាលីយ៉ា
អាលីយ៉ា ធ្លាប់ទទួលរងនៅអំពើហិង្សាជាច្រើនលើកមកហើយ ពីសំណាក់សង្សាររបស់ខ្លួនដែល អាណិកជនខ្មែរអាមេរិកម្នាក់។ តារាស្រីរូបនេះទើបតែទម្លាយការឈឺចាប់របស់ខ្លួនជាថ្មីម្ដងទៀត តាមរយៈវីដេអូឃ្លីបមួយលើFacebookផ្ទាល់ខ្លួនកាលពីពេលថ្មីៗនេះ។ នៅមិនទាន់ដឹងថា បុរសដែលបានប្រើហិង្សាលើនាងអស់ជាង២ឆ្នាំមកនេះ ត្រូវបានច្បាប់ផ្ដន្ទាទោសនៅឡើយទេ។
៤/ កញ្ញា ពេជ្រ អាវីហ្សា
ពេជ្រ អាវីហ្សា បានទទួលរងអំពើហិង្សា ពីសំណាក់សង្សាររបស់ខ្លួនឈ្មោះលោក គៀង ហេង ដែលត្រូវបានគេស្គាល់ថាជាប្អូនថ្លៃ របស់លោកឧកញ៉ាមានឥទ្ធិពលម្នាក់ កាលពីថ្ងៃទី១៣ វិច្ឆិកា ២០១៦ គ្រាដែលនាង នាំក្រុមគ្រួសារទៅកម្សាន្តនៅខេត្ត ព្រះសីហនុ។ ក្នុងហេតុការនេះ តារាស្រីសាច់សរខ្ចីដើមទ្រូងធំរូបនេះ ត្រូវបានសង្សាររបស់ខ្លួន វាយស្ទើរខ្ទេចមុខ និង ជាំដៃយ៉ាងដំណំ។ ភ្លាមៗ លោក គៀង ហេង ត្រូវបានសមត្ថកិច្ចក្រុងព្រះសីហនុ កោះហៅមកសួរនាំ ហើយត្រូវបានតុលាការសម្រេចឃុំខ្លួនបណ្ដោះអាសន្ននៅពន្ធនាគារ ខេត្ត ព្រះសីហនុ៕
No comments:
Post a Comment