កូន​ប្រុស​អ្នក​ចាត់​ការ​ក្លឹប Chapecoense រួច​​ជីវិត​ពី​ការ​​ធ្លាក់​យន្ត​ហោះ​ព្រោះ​ភ្លេច​លិខិត​ឆ្លង​ដែន

កូន​ប្រុស​ លោក Caio Junior ជា​អ្នក​ចាត់​ការ​ទូទៅ​របស់​ក្លឹប Chapecoense ដែល​បាន​ស្លាប់​ក្នុង​ហេតុការណ៍​ធ្លាក់​យន្ត​ហោះ​ដ៏​អាក្រក់​នៅ​កូឡុំប៊ី​ មាន​សំណាង​គេច​ផុត​ពី​សេចក្ដី​ស្លាប់​ដោយ​សារ​រូប​គេ​ភ្លេច​លិខិត​ឆ្លង​ដែន​ ហើយ​មិន​អាច​ធ្វើ​ដំណើរ​ទៅ​ជាមួយ​ឪពុក​បាន។

លោក Caio Junior និងកូនប្រុស Matheus Saroli

យន្តហោះ​ដែល​ដឹក​អ្នក​ដំណើរ​ភាគ​ច្រើន​ជា​កីឡាករ​បាន​ធ្លាក់​ក្បែរ​ទីក្រុង Medellin សម្លាប់​ជីវិត​មនុស្ស​ ៧៥​នាក់​ ប៉ុន្តែ​​៦​នាក់​នៅ​មាន​ជីវិត​ ក្នុង​នោះ​មាន​៣​នាក់​គឺ​ជា​កីឡាករ។

បុរស​ឈ្មោះ Matheus Saroli ខាង​លើ​បាន​និយាយ​ថា៖ "បង​ប្អូន និង​ម្ដាយ​របស់​ខ្ញុំ​ មិន​មាន​នរណា​បាត់​បង់​ជីវិត​ទេ អរគុណ​សម្រាប់​សារ​រំលែក​ទុក្ខ​ពី​អ្នក​រាល់​គ្នា។ ខ្ញុំ​នៅ​ក្នុង​ទីក្រុង​ Sao Paulo ហើយ​មិន​បាន​ទៅ​ជា​មួយ​គាត់ (លោក Caio Junior ) ដោយ​សារ​ភ្លេច​លិខិត​ឆ្លង​ដែន"៕