Jose Mourinho អ្នកចាត់ការក្រុម Manchester United បានលើកឡើងថា ការអវត្តមានខ្សែការពារកណ្ដាលឆ្នើមៗ Eric Bailly និង Chris Smalling គឺជាមូលហេតុមួយ ដែលធ្វើឲ្យក្រុមបិសាចក្រហម ចាញ់ Fenerbahce ២-១ ក្នុងការប្រកួត UEFA Europa League នៅប្រទេសទួរគីយប់មិញ។
Jose Mourinho អ្នកចាត់ការក្រុម Man Utd យប់មិញ
ក្នុងការប្រកួតសន្សំពិន្ទុដ៏សំខាន់យប់មិញ Mourinho បានដាក់ខ្សែការពារ Marcos Rojo និង Daley Blind ដែលតំណែងពីធម្មជាតិរបស់ពួកគេលេងជាខ្សែការពារឆ្វេង ឲ្យលេងចាប់ដៃគូគ្នានៅតំបន់ការពារកណ្ដាលវិញ ដើម្បីជំនួសតំណែង Bailly និង Smalling ដែលរបួស ខណៈដែល Luke Shaw លេងការពារឆ្វេង និង Matteo Darmian នៅការពារស្ដាំ។
Marcos Rojo (ឆ្វេង) និង Daley Blind (ស្តាំ) មិនអាចបិទ Moussa Sow ស៊ុតគ្រាប់ទី១
“ខ្ញុំគិតថា វាពិតជាលំបាកសម្រាប់យើង ដែលត្រូវដាក់ខ្សែការពារឆ្វេង២នាក់ ឲ្យលេងជាខ្សែការពារកណ្ដាលវិញ។ វាពិតជាមិនអាចគ្រប់គ្រងបាល់បានល្អទេ ហើយក៏មិនអាចខ្លាំង ដោយគ្មានខ្សែការពារកណ្ដាល២នាក់ដ៏រឹងមាំដែរ។ យើងដាក់ខ្សែការពារឆ្វេង ឲ្យលេងការពារកណ្ដាលដល់ទៅ២នាក់ ដូច្នេះវាពិតជាពិបាកសម្រាប់ការប្រកួតមួយនេះ”។ អ្នកចាត់ការរហស្សនាម Special One បានប្រាប់ដល់ BT Sport ក្រោយចប់ការប្រកួត៕
No comments:
Post a Comment