ថ្ងៃនេះ ម៉ោង 08:17
រថយន្តមួយគ្រឿងប្រភេទ SUV ត្រូវបានគេប្រទះឃើញកប់កណ្ដាលគំនរសំរាមជាង១០តោន ក្នុងទីក្រុងចេងចូវ ខេត្តហេណាន ប្រទេសចិន ដោយរងការចោទប្រកាន់ថាបានចតចោលបណ្ដាលឲ្យស្ទះផ្លូវ។
ម្ចាស់រថយន្តលោក Shang ជាអ្នកស្រុកម្នាក់បានប្រាប់ថា រថយន្តរបស់គាត់បានបើកទៅទុកក្បែរភោជនីយដ្ឋានមួយនៅម៉ោង ៨យប់ ដើម្បីទៅជួបមិត្តភ័ក្តិកាលពីថ្ងៃទី ១វិច្ឆិកា តែពេលត្រលប់មកវិញស្រាប់តែបាត់រថយន្តគួរឲ្យភ្ញាក់ផ្អើល និងបែរជាឃើញនៅកប់ក្នុងគំនរសំរាមស្អុយកខ្វក់ទៅវិញ។
ប្រភពខាងលើបន្ថែមថា គាត់បានចតនៅគែមផ្លូវ Buchang Street ដោយមិនបានដឹងថាផ្លូវរថយន្តសំរាមចូលចាក់សំរាមឡើយ។ បុគ្គលិកប្រមូលសំរាមម្នាក់ បានប្រាប់ Shange ទាំងកំហឹងពេលចាក់សំរាមរួចថា រថយន្តរបស់គាត់បានបាំងផ្លូវចូលស្ថានីយចាក់សំរាម ហើយមិនអាចទាក់ទងបានទៀត។ ណាមួយរថយន្តដឹកសំរាមនាពេលយប់មានម៉ោងកំណត់តឹងតែងទៀត ធ្វើឲ្យគេសម្រេចចាក់សំរាមក្រៅស្ថានីយតែម្ដង។
ចុងក្រោយលោក Shange បានត្រឹមជួលរថយន្តលើកដាក់ទំនិញឲ្យកាយសំរាមយករថយន្តគាត់ចេញជាមួយថ្លៃឈ្នួល ១៦៩ដុល្លារប៉ុណ្ណោះ៕
ប្រភព៖ Sabay
No comments:
Post a Comment