ខ្មាន់កាំភ្លើងលោក Stephen Paddock ដែលបានបាញ់សម្លាប់មនុស្ស ៥៩នាក់ និងរបួសជាង ៥០០នាក់ នៅទីក្រុង Las Vegas កាលពីរាត្រីថ្ងៃអាទិត្យ បានលួចបង្កប់កាមេរ៉ាជាច្រើនទាំងក្នុង និងជុំវិញបន្ទប់សណ្ឋាគាររបស់ខ្លួន។
ការបង្កប់នេះត្រូវអាជ្ញាធរចាត់ទុកថា គឺសម្រាប់មើលប៉ូលិស ក្នុងនោះក៏មានបំពាក់លើរទេះរុញមួយដែរ។ ដំបូងប៉ូលិសរកឃើញកាំភ្លើងប្រមាណ ១០ដើម ប៉ុន្តែពេលនេះគេរកឃើញបន្ថែមទៀតដល់ទៅ ២៣ដើមក្នុងបន្ទប់ស្នាក់នៅរបស់ខ្មាន់កាំភ្លើង។
ក្រៅពីនេះនៅមានគ្រាប់កាំភ្លើងត្រៀមរាប់ពាន់គ្រាប់ទៀត រួមទាំងគ្រឿងផ្សំសម្រាប់ប្រើបំផ្ទុះផងនៅផ្ទះ និងក្នុងរថយន្តរបស់ឃាតក។ នៅរសៀលថ្ងៃអង្គារ ប៉ូលិសបានរកឃើញកាមេរ៉ាបង្កប់ទាំងក្នុងបន្ទប់ និងច្រកផ្លូវចូល ប៉ុន្តែប៉ូលិសមិនដឹងថា សម្ភារៈទាំងនោះត្រូវបាននាំចូលសណ្ឋាគារបានយ៉ាងម៉េចឡើយ។ ភ្នាក់ងារ FBI កំពុងស៊ើបសង្កេត។
គ្មាននរណាម្នាក់ដឹងហេតុអ្វី Paddock ដែលជាគណនេយ្យករចូលនិវត្តន៍ម្នាក់ ក្លាយទៅជាឃាតកសាហាវព្រៃផ្សៃក្នុងប្រវត្តិសាស្ត្រអាមេរិកដូច្នេះទេ។ ប៉ូលិសរកឃើញទៀតថា ខ្មាន់កាំភ្លើងបានបាញ់រះរយៈពេល ៩នាទី មកលើហ្វូងមនុស្សឈរមើលការប្រគំតន្រ្តីជាង ២២ ០០០នាក់ មុនពេលបាញ់សម្លាប់ខ្លួន។ មកទល់ពេលនេះ អ្នកជំនាញជឿថា ខ្មាន់កាំភ្លើងប្រព្រឹត្តតែម្នាក់ឯងប៉ុណ្ណោះ៕
ចុចអាន៖
No comments:
Post a Comment