សមត្ថភាព និងកម្រិតធន់គ្រប់កាលៈទេសៈមិនថាក្រោមទឹកលើដី ឬអាកាសរបស់កាមេរ៉ាប្រភេទ Action GoPro ត្រូវអ្នកប្រើប្រាស់ជុំវិញពិភពលោកទទួលស្គាល់។
កាន់តែអស្ចារ្យ និងមិនធ្លាប់មានអ្នកសាកល្បងចំពោះកាមេរ៉ាប្រភេទនេះ អ្នកថតរូបម្នាក់ឈ្មោះ Erik Storm រស់នៅសហរដ្ឋអាមេរិកបានយកកាមេរ៉ា GoPro ទៅថតក្នុងកំអែភ្នំភ្លើងដែលមានកម្ដៅចន្លោះពី ៧០០ ទៅ ១ ២០០ អង្សាសេ។
ជាលទ្ធផល GoPro នោះត្រូវបានឆេះខ្ទិចផ្នែកប្លាស្ទិក ប៉ុន្តែត្រង់កញ្ចក់ Lens និងគ្រឿងក្នុង គឺនៅរក្សាបានយ៉ាងល្អ ហើយនៅអាចយកទិន្នន័យវីដេអូក្នុងមេម៉ូរីចេញពី GoPro ក្រោយលេបដោយកំអែភ្នំភ្លើងបានផងដែរ។
ដោយឡែក អ្នកថតរូបនេះ បានបញ្ជាក់ថា GoPro គឺលែងដំណើរការក្រោយត្រូវកម្ដៅមួយរយៈ ប៉ុន្តែវាចាប់ផ្ដើមដំណើរការ និងបញ្ចេញភ្លើងសញ្ញា Wi-Fi ឡើងវិញ ពេលដាក់វាត្រាំទឹក និងវាយកម្ទេចកំអែភ្នំភ្លើងចេញពីកាមេរ៉ា៕
No comments:
Post a Comment