អ្នកខ្វះឈាមតែងមានអាការ នឿយហត់អស់កម្លាំង វិលមុខ, ស្បែកមានសភាពស្លេកស្លាំង, បេះដូងលោតញាប់ខុសចង្វាក់ ដង្ហក់ ឈឺទ្រូង និងត្រជាក់ចុងដៃចុងជើងជាដើម។ ជំងឺខ្វះឈាមបណ្ដាលមកពីកត្តាផ្សេងៗដូចជា ការហូរឈាមច្រើន ការបាត់បង់ឬខ្វះកោសិកាឈាមក្រហម ការតមអាហារ ផ្លាស់ប្ដូរអ័រម៉ូន, ការកំពុងតែព្យាបាលជំងឺផ្សេងៗ ឬ កំពុងតែមានផ្ទៃពោះជាដើម។
ចំណែកឯការព្យាបាលវិញគឺត្រូវធ្វើយ៉ាងណាជួយទំនុកបម្រុង កោសិកាឲ្យផលិតឈាមមកបំពេញឲ្យបានគ្រប់គ្រាន់វិញ។ ការញ៉ាំអាហារ បន្លែសាច់ទាំងប៉ុន្មានមុខខាងក្រោមនេះអាចជំរុញដល់ការផលិតគ្រាប់ឈាមក្រហមឡើងវិញបាន៖
១. អាហារមានជាតិដែកខ្ពស់ដូចជា៖ សាច់គោ, ថ្លើមសត្វ, ល្ពៅ, គ្រាប់ធញ្ញជាតិ, បន្លែបៃតងរួមមានស្ពៃ, ផ្ទី និងដើមខាត់ណា, ត្រកួន, ស៊ុតក្រហម និងសូកូឡា។
២. ញ៉ាំគ្រឿងផ្អាប់ ឬ ជ្រក់ ដូចជាជ្រក់បន្លែគ្រប់មុខ ជ្រក់ត្រសក់ ជ្រក់ឆៃថាវ ឬគីមឈីជាដើម ព្រោះពពួកគ្រឿងផ្អាប់ប្រភេទនេះសំបូរទៅដោយវីតាមីន បេ១២ និងជាតិដែក ហើយក៏ជួយពង្រឹងប្រព័ន្ធ ការពារនិងបង្កើនឈាមក្រហម។
No comments:
Post a Comment