យោងទៅតាមការដាក់បម្រាមរបស់សារព័ត៌មាន Daily Mail បានឲ្យដឹងថា ថ្នាំបញ្ចុះសម្ពាធ
ឈាមអាចធ្វើឲ្យប្រឈមខ្ពស់នឹងបញ្ហាតម្រងនោមដែលគ្រោះថ្នាក់ដល់អាយុជីវិត។ អ្នកស្រាវជ្រាវបានពិនិត្យឱ្យដឹងថា តើមានទំនាក់ទំនងឬគ្មានរវាងថ្នាំចេញដោយវេជ្ជបញ្ជាប្រភេទនេះ និងការសម្រាកក្នុងមន្ទីរពេទ្យដោយសារតែបញ្ហាតម្រងនោម។
វាគឺជាទំនាក់ទំនងនៃថ្នាំបញ្ចុះសម្ពាធឈាមប្រភេទ ACE Inhibitor និង Angiotensin-II receptor Antagonists និងការសម្រាកក្នុងមន្ទីរពេទ្យដោយសារតែការខ្សោយតម្រងនោម។ ការខ្សោយតម្រងនោមមានន័យថា តម្រងនោមបាត់បង់សមត្ថភាពច្រោះជាតិពុលចេញពីឈាម និងតុល្យភាពជាតិទឹកក្នុងរាងកាយ។ រឿងនេះនឹងធ្វើឲ្យមានបញ្ហាធ្ងន់ធ្ងរ និងរោគសញ្ញាគ្រោះថ្នាក់ខ្លាំងដល់អាយុជីវិតទៀត។
ការសិក្សាបានរកឃើញថា រយៈពេល៤ឆ្នាំរហូតដល់ឆ្នាំ ២០១០ មន្ទីរពេទ្យក្នុងប្រទេសអង់គ្លេសបានឃើញនូវការកើនឡើងការសម្រាកពេទ្យរហូតដល់ ៥២ភាគរយដោយសារតែការខ្សោយតម្រងនោម។ ក្នុងពេលជាមួយគ្នានេះដែរ មានការកើនឡើងនៃការចេញវេជ្ជបញ្ជាថ្នាំ ACE Inhibitor និងថ្នាំដែលពាក់ព័ន្ធរហូតដល់ ១៦ភាគរយ។ ពួកគេបានប៉ាន់ស្មានឃើញថាអាចកើនឡើងរហូតដល់ ១៥ភាគរយទៀតនៃការសម្រាកក្នុងមន្ទីរពេទ្យដោយសារតែការប្រើប្រាស់ថ្នាំតាមវេជ្ជបញ្ជាខាងលើនេះ។
គួរបញ្ជាក់ថា អ្នកជំងឺដែលត្រូវបានគ្រូពេទ្យចេញថ្នាំទាំងនេះទៅប្រើប្រាស់ហើយមិនគួរណាឈប់ប្រើដោយគ្មានការពិគ្រោះជាមួយគ្រូពេទ្យឡើយ។ បើសិនជាមិនបានព្យាបាលទេ ជំងឺឡើសសម្ពាធឈាមអាចបណ្តាលឲ្យកើតជាការគាំងបេះដូង ឬដាច់សរសៃឈាមខួរក្បាល៕
No comments:
Post a Comment