ចង់​​ទស្សនា​ព្រឹត្តិការណ៍​​​ Apple ​យប់​នេះ​ គួរ​ធ្វើ​ម៉េច?

​ក្រោយ​ពី​បង្ហាញ​វត្តមាន​ iPhone ជំនាន់​ថ្មី​បាន​រយៈ​ពេល​ជិត ២ ខែ​រួច​មក ក្រុមហ៊ុន Apple នឹង​បង្ហាញ​​ផលិតផល​ថ្មីៗ​ជា​ច្រើន​​​​​ក្នុង​​ព្រឹត្តិការណ៍​នា​យប់​ថ្ងៃ​ទី​ ២៧ ឆ្លង​ចូល​ថ្ងៃ​ទី ២៨ ខែ​តុលា​នេះ។ មាន​មហាជន​​មួយ​ចំនួន​តូច​ប្រហែល​ជា​មិន​ទាន់​បាន​ដឹង​ពី​វិធី​ចូល​ទស្សនា​ព្រឹត្តិការណ៍​នេះ​នៅ​ឡើយ។

ដើម្បី​អាច​ទស្សនា​បាន​ទាមទារ​ឲ្យ​មាន​លក្ខខណ្ឌ​ដូច​ខាង​ក្រោម៖

@ អ្វី​ដែល​ត្រូវ​ត្រៀម៖

-សម្រាប់​​ឧបករណ៍​​ ​iOS ដូច​ជា​ iPhone, iPad និង iPod Touch ត្រូវ​ដើរ​ដោយ​ប្រព័ន្ធ​ប្រតិបត្តិការ​ iOS ជំនាន់​ 7.0 ឡើង​ទៅ ទស្សនា​តាម​កម្មវិធី​ Safari

-ឧបករណ៍​ Mac ត្រូវ​ដើរ​ដោយ​ប្រព័ន្ធ​ប្រតិបត្តិការ​ OS X 10.8.5 ឡើង​ទៅ ទស្សនា​តាម​ Browser​ Safari

-កុំព្យូទ័រ​ធម្មតា​​ដើរ​ដោយ​ប្រព័ន្ធ​ប្រតិបត្តិការ​ Windows 10 ដោយ​ទស្សនា​តាម​​ Browser​ Microsoft Edge

​@ អ្វី​ដែល​ត្រូវ​ធ្វើ៖

ក្រោយ​ត្រៀម​រួច​រាល់​អ្នក​គ្រាន់​តែ​ចូល​ទៅ​កាន់​វិបសាយ​ http://www.apple.com/apple-events/october-2016/នោះ​ជា​ការ​ស្រេច។ ពេល​ដែល​កម្មវិធី​ចាប់​ផ្ដើម​នា​ម៉ោង​ ១២ យប់​នេះ​ ការ​ផ្សាយ​បន្ត​លើ​វិបសាយ​របស់​ Apple ក៏​នឹង​ចាប់​ផ្ដើម​ដូច​គ្នា៕

​ប្រភព៖ Sabay
ចុច​អាន៖ MacBook Pro ជំនាន់​ថ្មី​មិន​មាន​ប៊ូតុង​ ​esc