ត្រីងាប់ប្រមាណ ៥០០០ក្បាល ត្រូវបានគេក្លាសេបង្កប់ក្នុងទឹកកកក្រោមកន្លែងជិះស្គីនៅភាគខាងលិចប្រទេសជប៉ុន កំពុងធ្វើឲ្យមនុស្សជាច្រើនខឹងសម្បារ។
សួនកម្សាន្ត Space World បានប្រកាសបិទកាលពីថ្ងៃអាទិត្យ បន្ទាប់ពីមានការរិះគន់ដូចទឹកបាក់ទំនប់នៅលើបណ្ដាញសង្គម។
ត្រីទាំងនោះ ត្រូវគេផ្អឹបទុកមានប្រមាណ ២៥ប្រភេទក្រោមវាលទឹកកកប្រវែង ២៥០ម៉ែត្រ។ សួននៅទីក្រុង Kitakyushu នេះ បានបើកកន្លែងជិះស្គី ត្រូវគេប្រដូចទៅនឹងអាងចិញ្ចឹមត្រីក្នុងទឹកកក ជាកន្លែងលេងដែលគេមិនធ្លាប់បានឮពីមុនមកឡើយ។
ចំណែក Space World បានបញ្ជាក់ថា "ត្រីងាប់បង្កប់ក្នុងទឹកកកទាំងអស់ គឺគ្រាន់តែចង់ឲ្យអ្នកមកលេងមានអារម្មណ៍ថាដូចកំពុងជិះស្គីក្នុងសមុទ្រប៉ុណ្ណោះ ហើយខាងសួនកម្សាន្តពិតជាសោកស្ដាយដែលធ្វើឲ្យមានអារម្មណ៍មិនសប្បាយចិត្តបែបនេះ"។
Space World គ្រោងនឹងធ្វើពិធីកាន់ទុក្ខដល់ត្រីទាំងនោះ នៅពេលគេដកត្រីចេញពីទឹកកកអស់៕
No comments:
Post a Comment