រណ្ដៅយក្សដ៏ធំមួយនៅក្នុងប្រទេសជប៉ុន ដែលទើបតែបានជួសជុលរួចរាល់ កាលពីពាក់កណ្ដាលខែកន្លងទៅនេះ កំពុងបង្ហាញសញ្ញានៃការបាក់ស្រុតម្ដងទៀត។
ចរាចរណ៍ត្រូវបានបញ្ឈប់ នៅចំណុចប្រសព្វមួយ ក្នុងទីក្រុង Fukuoka កាលពីថ្ងៃសៅរ៍កន្លងទៅនេះ បន្ទាប់ពីផ្លូវ ត្រូវបានគេមើលឃើញថា បានបាក់ស្រុតជម្រៅ ៧សង់ទីម៉ែត្រ។
គួររំលឹកថា កាលពីដើមខែ កន្លងទៅនេះ រណ្ដៅយក្សមួយបានបាក់ស្រុតកណ្ដាលផ្លូវជាតិ ទំហំមុខកាត់ ៣០ម៉ែត្រ និងជម្រៅ ១៥ម៉ែត្រនៅទីក្រុង Fukuoka ប្រទេសជប៉ុន តែត្រូវបានក្រុមអ្នកជំនាញជួសជុលឡើងវិញរួចរាល់ ត្រឹមតែរយៈពេលតែប៉ុន្មានថ្ងៃប៉ុណ្ណោះ។
ផ្លូវក្រោយពេលជួសជុលរួច
បើតាមការរាយការណ៍ បានឲ្យដឹងថា ការបាក់ស្រុត (លើកមុន) បង្កឡើងដោយសំណង់ក្រោមដី។ ក្រោយឃើញបែបនេះ ក្រុមការងារបានសិក្សាវាស់វែង រួចចាប់ផ្ដើមប្រតិបត្តិការជួសជុល ដោយចាក់បំពេញខ្សាច់ ស៊ីម៉ង់សើម ជួសជុលប្រព័ន្ធភ្លើង ហ្គាស និងទុយយោទឹកជាដើម។ អភិបាលក្រុង លោក Soichiro Takashima មានប្រសាសន៍ថា ផ្លូវនោះរឹងមាំជាងមុន ៣០ដងឯណោះ និងមិនមានការបាក់ស្រុតកើតឡើងជាថ្មីទៀតឡើយ។
វីដេអូនៃការជួសជុលរណ្តៅយក្ស
ទោះបីជាយ៉ាងណា ក្រោយពីមានសញ្ញាថា ផ្លូវអាចនឹងបាក់ស្រុតម្តងទៀត លោក Takashima បានធ្វើការសុំទោស នៅលើបណ្ដាញសង្គមហ្វេសប៊ុក ចំពោះការដែលមិនបានផ្ដល់ដំណឹង ជូនប្រជាពលរដ្ឋថា ផ្លូវនោះអាចនឹងបាក់ស្រុតម្តងទៀត៕
No comments:
Post a Comment