បច្ចុប្បន្ននេះបច្ចេកវិទ្យាអេក្រង់កម្រិត QuadHD (2560x1440) បានក្លាយជាបច្ចេកវិទ្យាពេញនិយមមួយ ប៉ុន្តែនៅមានក្រុមហ៊ុនខ្លះនៅប្រើបច្ចេកវិទ្យាអេក្រង់ FullHD (1080x1920) នៅឡើយ។ និយាយដល់អេក្រង់ FullHD គេនឹកឃើញដល់ក្រុមហ៊ុន HTC ដែលបានប្រើបច្ចេកវិទ្យានេះមុនគេ។
នៅខែវិច្ឆិកា ឆ្នាំ ២០១២ ក្រុមហ៊ុន HTC បានបញ្ចេញស្មាតហ្វូនម៉ូដែល Droid DNA ជាស្មាតហ្វូនដំបូងគេមានបំពាក់អេក្រង់កម្រិត FullHD ទំហំ ៥ អ៊ីញ អាចបង្ហាញរូបភាពក្នុងដង់ស៊ីតេ ៤៤១ ភីកសែលក្នុងមួយអ៊ីញ។ អេក្រង់ Tocuh Screen ដែលបំពាក់លើស្មាតហ្វូននេះជាប្រភេទ Super LCD និង មានការពារដោយបន្ទះកញ្ចក់ Gorilla Glass 2។
រវាង QuadHD និង FullHD គុណភាពរូបភាពបង្ហាញចេញមកមិនជាខុសគ្នាខ្លាំងប៉ុន្មានឡើយ។ ម្យ៉ាងទៀតភ្នែកមនុស្សមិនអាចបែងចែកបានពីភាពខុសគ្នារវាងអេក្រង់ទាំងពីរ។ ប៉ុន្តែបើប្រៀបអេក្រង់ FullHD និង HD ឃើញថាខុសគ្នាខ្លាំង ដោយ FullHD អាចបង្ហាញរូបភាពច្បាស់ត្រជាក់ភ្នែកជាង៕
No comments:
Post a Comment