Julius មក​ពី​លីគ​កំពូល​ថៃ​ចូល​បឹង​កេត​មាន​តម្លៃ​ខ្លួន​ថ្លៃ​ជាង​គេ​នៅ​កម្ពុជា​

សមាជិក​ថ្មី​​ជន​ជាតិ​នីហ្សេរីយ៉ា​ Julius Oiboh ដែល​​បឹង​កេត​អង្គរ​ទើប​នាំ​យក​មក​ពី​លីគ​កំពូល​ថៃ​អាច​ជា​កីឡាករ​​ដែល​មាន​តម្លៃ​ខ្លួន​ខ្ពស់​គេ​នៅ​ប្រទេស​កម្ពុជា​នា​ពេល​បច្ចុប្បន្ន។

កីឡាករ Julius (កោរ​សក់ ទុក​កណ្តាល)

លោក​ ប្រាក់ សុវណ្ណារ៉ា​ គ្រូ​បង្វឹក​បឹង​កេត​អង្គរ​បាន​ឲ្យ​ដឹង​ថា​ ៖«និយាយ​ពី​កីឡាករ​ Julius ជា​បណ្តោះ​អាសន្ន​ យើង​យក​គេ​មក​ជួយ​​ក្នុង​ពាន​រង្វាន់​អន្តរជាតិ​ខាង​មុខ​ ហើយ​ត​ទៅ​​មុខ​ទៀត​ រឿង​ក្លឹប​ជា​អ្នក​ចរចា។ យើង​ដឹង​ហើយ​ថា​ ប្រាក់​តម្លៃ​ខ្លួន​របស់​គាត់​​ខ្ពស់​ យើង​អាច​និយាយ​បាន​ថា ​ថ្លៃ​ខ្ពស់​ជាង​គេ​នៅ​​ក្នុង​ស្រុក​ខ្មែរ»។ ទោះ​បី​ជា​យ៉ាង​ណា លោក​មិន​បាន​ប្រាប់​ឲ្យ​ដឹង​ពី​ចំនួន​ពិត​ប្រាកដ​ដែល​កីឡាករ​ជន​ជាតិ​នីហ្សេរីយ៉ា​រូប​នេះ​ទទួល​បាន​ពី​បឹងកេត​ឡើយ។

ស្តាប់​ការ​លើក​ឡើង​របស់​លោក ប្រាក់ សុវណ្ណារ៉ា

Julius Oiboh ​ធ្លាប់​បាន​លេង​ឲ្យ​​ក្លឹប​បឹងកេត​អង្គរ​ម្តង​ហើយ​​កាល​ពី​ឆ្នាំ​២០១២​ដែល​​ឆ្នាំ​នោះ​ហើយ​ក្លឹប​កម្ពុជា​​មួយ​នេះ​បាន​ឈ្នះ​ពាន​រង្វាន់​លីគ​បាល់ទាត់​កំពូល​កម្ពុជា​ បន្ទាប់​ពី​ក្រុម​មួយ​នេះ​ឡើង​មក​លេង​លីគ​កម្ពុជា​​ភ្លាម។ ពេល​នេះ​រូប​គេ​បាន​វិល​មក​បឹងកេត​សា​ថ្មី​​​ដែល​ក្រុម​​នេះ​កំពុង​ត្រៀម​ខ្លួន​ប្រកួត​ពាន​រង្វាន់​ BTV Cup នៅ​ប្រទេស​វៀតណាម​ និង​ពាន​រង្វាន់​ Toyota Mekong Club Championshp 2016 ដែល​បឹងកេត​កំពុង​ឈរ​ចាំ​វគ្គ​ពាក់​កណ្តាល​ផ្តាច់​ព្រ័ត្រ៕

ប្រភព៖ Sabay