មានមនុស្សស្លាប់ក្នុងមួយឆ្នាំៗចំនួនជាង ១,២៥ លាននាក់នៅលើពិភពលោក ដោយសារកត្តាគ្រោះថ្នាក់ចរាចរបណ្តាលមកពីស្រវឹងស្រានៅពេលបើបរនោះ ទើបក្រុមហ៊ុនមួយឈ្មោះ Derma-Tec បានបង្កើតឧបករណ៍មួយឈ្មោះថា ONUSblue ដែលជាបន្ទះស្តើងមួយបិទលើស្បែកនិងអាចតាមដានវាស់នូវកម្រិតជាតិអាល់កុលក្នុងឈាមបាន ។
បន្ទះផ្សំលាយពីជាតិនីកូទីននៅពេលបិទលើស្បែកអាចផ្តល់ដំណឹងពីកម្រិតជាតិអាល់កុលនៅក្នុងឈាម បាន ដែលនេះជាវិធីសាស្ត្រថ្មីមួយងាយស្រួលសម្រាប់អ្នកប្រើប្រាស់ ។
បើតាមលោក Anh Dung Le អ្នកផលិតឧបករណ័នេះបានអោយដឹងថា វាពិតជាជួយផ្តល់កម្រិតជាតិអាល់ កុលក្នុងឈាមបានយ៉ាងសុក្រិត ។ បើតាមកម្រិតជាតិអាល់កុល ០.០៤ នៅក្នុងឈាម គឺជាបរិមាណ ស្របច្បាប់នៅក្នុងសហរដ្ឋអាមេរិច ។ ប៉ុន្តែនៅប្រទេសចិនវិញ គឺមានកម្រិតតែ ០.០២ប៉ុណ្ណោះ ។ ដោយឡែក នៅបណ្តាប្រទេសមួយចំនួនមានកម្រិតខ្លះពី ០.០៥ទៅ ០.០៨ក៏មាន ។ ដូច្នេះក្រុមហ៊ុននឹងផលិតទៅតាម តម្រូវការនៅតាមបណ្តាប្រទេសផ្សេងៗ ។
ឧបករណ៍នេះនឹងចេញលក់ក្នុងពេលឆាប់ៗនេះ នៅសហរដ្ឋអាមេរិចក្នុងតម្លៃចាប់ទី ២ ទៅ៣ដុល្លារក្នុងតម្លៃ លក់រាយ តែវាអាចថោកជាងនេះប្រសិនបើអ្នកទិញក្នុងចំនួនច្រើន ហើយអ្នកកម្មង់ទិញអាចដាក់ឡូហ្គូសំគាល់ ក្នុងកម្មវិធីជប់លៀងនិងកម្មវិធីពិសេសផ្សេងៗដើម្បីយកទៅអោយភ្ញៀវដែលចូលរួមកម្មវិធីដើម្បីធ្វើការវាស់ បរិមាណជាតិអាល់កុល ៕
No comments:
Post a Comment