រមណីយដ្ឋានបឹងសំរឹទ្ធ ស្ថិតនៅខេត្តកំពង់ធំ កំពុងតែទាក់ទាញភ្ញៀវច្រើនមែនទែន ព្រោះវាជាទីកន្លែងមួយដែលមានសំបូរបែបនៃការលេងកម្សាន្តដូចជាជិះស្គីរអិលចុះទឹក ជិះខ្សែកាប ទស្សនាព្រៃព្រឹក្សា លេងកីឡាវាយកូនគោល និងជិះកង់គូស្នេហ៍លេងជាដើម។
លាតសន្ធឹងលើផ្ទៃដី៤៧ហិកតា បឹងសំរឹទ្ធត្រូវបានរចនាឡើងយ៉ាងល្អឥតខ្ចោះសម្រាប់ដំណើរកម្សាន្តលក្ខណៈគ្រួសារ និងលក្ខណៈជាគូទៅក្រេបទឹកឃ្មុំជាដើម។ អ្វីដែលកាន់តែពិសេសថែមទៀតនោះ តំបន់នេះអាចឱ្យគូស្នេហ៍ដែលចង់ថតរូប Pre-Wedding អាចថតបានផងដែរ ដោយមាន២សេវាកម្ម។
សេវាកម្មទី១ គឺចំណាយអស់ត្រឹមតែ៥០ដុល្លារ អាចឱ្យអ្នកថតរូបថតបានជុំវិញរមណីយដ្ឋាននេះ ដែលមានទំហំដីដល់ទៅ៤៧ហិកតាឯណោះ។ អ្នកថតរូបនិងកូនកំលោះក្រមុំអាចចូលបានចំនួន១៥នាក់ ហើយប្រើពេល១ថ្ងៃពេញដើម្បីថតយករូបភាពស្អាតៗនៅទីនេះ។
សេវាកម្មទី២ គឺចំណាយ១០០ដុល្លារ អាចឱ្យអ្នកថតចូលថតក្នុងបន្ទប់គេងបាន ខណៈដែលបន្ទប់នោះត្រូវបានរៀបចំឡើងយ៉ាងពិសេសប្រៀបដូចជាផ្ទះខ្លួនឯងមួយអីចឹង ព្រោះមានអាងហែលទឹក និងកន្លែងគយគន់លើមាត់បឹងទៀតផង។
ចង់ដឹងថាមានទេសភាពស្អាតយ៉ាងណា ទស្សនារូបភាពខាងក្រោមនេះ៖
ចំពោះសេវាកម្មស្នាក់នៅទីនេះ មាន៣ជម្រើសសម្រាប់ប្រិយមិត្ត គឺ២០ដុល្លារ ៣០ដុល្លារ និង៦០ដុល្លារ។ ហើយបើសម្រាប់តែការចូលកម្សាន្តមិនសម្រាកវិញ ចាប់ពីថ្ងៃចន្ទ ដល់ព្រហស្បតិ៍ មនុស្សធំ តម្លៃចូលកម្សាន្ត២ម៉ឺនរៀល ក្មេងកម្ពស់១ម៉ែត្រចុះ តម្លៃចូល ១៥ ០០០រៀល។ ខណៈដែលថ្ងៃសុក្រ ដល់ថ្ងៃអាទិត្យ មនុស្សធំ ៣ម៉ឺន និងក្មេងកម្ពស់១ម៉ែត្រចុះក្រោម តម្លៃ២ម៉ឺនរៀល៕
ប្រភព៖ Sabay
No comments:
Post a Comment