អាហារមួយចំនួនជាកត្តាដែលបង្កអោយកើតជម្ងឺផ្សេងៗ ជាពិសេសជម្ងឺមហារីក ដូចជាការជក់បារី ការផឹកស្រា ការទទួលអាហារមិនល្អជាដើម។ ដូច្នេះបើអាចការពារខ្លួនមុន អ្នកក៏គួរតែចៀសវាងអាហារមួយចំនួនដូចជា ៖
អាហារកំប៉ុង
យោងតាមការស្រាវជ្រាវ Environmental Research Journal អាហារកំប៉ុងជាច្រើនត្រូវបានគេភ្ជាប់ជាមួយ Bisphenol-A (BPA) ដែលត្រូវបានបង្ហាញថា វាជាអ្នកបំផ្លាញ DNA ។ វាអាចបង្កើនហានិភ័យនៃជំងឺមហារីកមួយចំនួន និងជំងឺទឹកនោមផ្អែមប្រភេទទី ២ ហើយការស្រាវជ្រាវត្រូវបានធ្វើលើសត្វជាជាងមនុស្ស។ ប្រសិនបើអ្នកទិញម្ហូបអាហារកំប៉ុង សូមប្រាកដថាកំប៉ុងត្រូវបានដាក់ស្លាកយ៉ាងច្បាស់ថា "គ្មានសារធាតុ BPA" និងកំណត់ការញ៉ាំអាហារកំប៉ុងដែលរក្សាបានត្រឹមតែមួយថ្ងៃប៉ុណ្ណោះយ៉ាងយូរ។
សាច់ពណ៌ក្រហម
យោងតាមទីភ្នាក់ងារអន្តរជាតិសម្រាប់ការស្រាវជ្រាវជំងឺមហារីកកាលពីឆ្នាំ ២០១៥ បានបង្ហាញឱ្យដឹងថា សាច់សត្វដែលត្រូវបានកែច្នៃ ដូចជា Hot Dog ត្រូវបានផលិតដោយប្រើនីតិសាស្ត្រ និងនីទ្រិចដែលជាសារជាតិបង្កមហារីក។ យោងតាមការវិភាគបានឱ្យដឹងថាការប្រើប្រាស់សាច់ក្រហមក៏ត្រូវបានផ្សារភ្ជាប់ទៅនឹងមហារីកលំពែង ពោះវៀនធំនិងមហារីកក្រពះ។
ការអាំងសាច់នៅលើអណ្តាតភ្លើងក៏បង្កើតសមាសធាតុបង្កជំងឺមហារីកដែរ។ ទោះយ៉ាងណា អ្នកមិនចាំបាច់បោះបង់ចោលទម្លាប់របស់អ្នកឡើយ។ វិទ្យាស្ថានស្រាវជ្រាវជំងឺមហារីកអាមេរិកណែនាំឱ្យញ៉ាំសាច់អាំងមិនលើសពី ១៨ ក្រាមក្នុងមួយសប្តាហ៍។
ភេសជ្ជៈមានជាតិអាល់កុល
មជ្ឈមណ្ឌល Centers for Disease Control and Prevention បញ្ជាក់ថា ជាតិអាល់កុលដែលមានក្នុងភេសជ្ជៈអាចបង្កើនហានិភ័យនៃជំងឺមហារីកមួយចំនួន រួមមានមហារីកថ្លើម មហារីកសុដន់ និងមហារីកពោះវៀនធំ ។
អាហារជ្រក់ ឬផ្អាប់
លោក Bucci និយាយថាការបរិភោគអាហារជ្រក់ច្រើនត្រូវក៍អាចនឹងកើតជំងឺមហារីកក្រពះដែរ។ ទោះជាយ៉ាងណាក៏ដោយអាហារជាច្រើនដូចជាស្ពៃជ្រក់ និងគីមឈីក៏មានផ្ទុក probiotics ដែលមានប្រូតេអ៊ីនច្រើនផងដែរ ប៉ុន្តែអ្នកមិនចាំបាច់បោះបង់វាចោលពីរបបអាហារទាំងស្រុងនោះទេ គ្រាន់តែញ៉ាំក្នុងម្រិតត្រឹមត្រូវមួយទៅបានហើយ។
ដូច្នេះបើសិនជាមិនចាំបាច់ក្នុងការញ៉ាំអាហារទាំងនេះទេ អ្នកគួរតែដកខ្លួនចេញតាមតែអាចធ្វើបាន៕
No comments:
Post a Comment